Благодарение на електричниот бокал, можете побрзо да ги направите вашите омилени топли напитоци. Чистете го од време на време бидејќи во него со текот на времето се таложи бигор. Наместо да купувате скапи средства за отстранување бигор или да се мачите да го исчистите со рибање, брзо отстранете го бигорот со состојки од кујната.
Најдобро е да го отстраните бигорот од бокалот со природно средство за да не навлезат хемиски остатоци во вашето тело. Најевтиниот и најефикасен е оцетот. Измешајте еднаква количина вода и оцет и истурете во бокалот. Кога течноста ќе зоврие, исклучете ја и оставете ја течноста внатре додека не се излади (15-20 минути).
Натопете чиста крпа и исчистете ја надворешната страна на бокалот, а внатре истријте со четка. Истурете ја течноста и исплакнете го со чиста вода. Потоа зовријте чиста вода во него двапати за да го отстраните преостанатиот оцет.
Со цел да се спречи појавата на бигор, по секоја употреба, остатокот од водата во него бришете го со крпа.