Дванаесетгодишната Блу Ајви Картер, наследничката на Бијонсе, потврдува дека децата на познатите често го следат патот на нивните родители. Двете повторно се здружија во креативен потфат, во продукцијата на Дизни на „Кралот лав“ под името „Муфаса“. Неодамна беше објавен трејлерот за „Mufasa: The Lion King“, а Бијонсе го сподели на својот Инстаграм профил, како и на нејзината продукциска куќа Parkwood.
Во „Муфаса“, Бијонсе ја повторува улогата на кралицата Нала од филмот од 2019 година. Гласот на кралот Симба повторно ќе го има актерот и пејач Доналд Гловер. И дванаесетгодишната Блу Ајви сега ќе го позајми гласот на ликот по име Кијара, пренесува USA Today.
Филмот е во режија на оскаровецот Бери Џенкинс, а сценариото го напиша Џеф Натансон. „Муфаса“ е претприказна на филмот „Кралот лав“ од 2019 година. Тој ги води фановите низ приказната за потеклото на Кралот Лав, кој го игра Арон Пјер, додека Келвин Харисон ја презема улогата на Скар.
Првиот трејлер за филмот беше објавен во април.
Блу Ајви, која ја носи титулата најмлада личност која некогаш се појавила на Билборд топ-листата, веќе има неколку достигнувања.
Новиот филм пристигнува во кината на 20 декември.