Тие и по бројните шпекулации за бременоста на манекенката ја споделија радосната вест на своите социјални мрежи, а потоа и нивните претставници на медиумите ја потврдија веста и изјавија дека манекенката е во шестиот месец од бременоста, пишува People.
Двојката сподели видео од нив како ги обновуваат заветите и ја споделија својата бременост со светот. Хејли носи долг, чипкаст бел фустан и вел, истакнувајќи го нејзиниот труднички стомак.
Да потсетиме, парот се венча во септември 2018 година во Њујорк, само два месеци по свршувачката. Подоцна, тие славеа со семејството и пријателите.
Во последно време добиваат многу прашања за деца, а Хејли одговараше дека сè уште не е подготвена да стане мајка.
View this post on Instagram
Џастин долго време вели дека сака да основа семејство со Хејли:
– Сакам онолку деца колку што Хејли сака да има. Би сакал да имам мало племе. Но, да, тоа е нејзиното тело и што сака да прави… Мислам дека сака да има неколку – рече Џастин во 2020 година во шоуто со Елен Деџенерис, а на прашањето од неа зошто сè уште чекаат, Џастин одговори:
– Нема проблем. Но, мислам дека Хејли сè уште има некои работи што сака да ги постигне како жена, и мислам дека таа сè уште не е подготвена. И тоа е во ред – рече тогаш.