Причините за губење на косата се различни, но урамнотежената исхрана може да помогне.
Опаѓањето на косата се јавува кај многу луѓе и може да биде предизвикано од различни фактори како што се недостаток на железо, хормонални промени, кожни состојби и други болести.
д-р. Амир Кан неодамна објасни дека исхраната може да доведе и до опаѓање на косата. Тој истакнува дека не постои храна која директно ќе го стимулира растот на вашата коса, но дека урамнотежената исхрана богата со протеини, витамини и минерали може да помогне во одржувањето на здрав раст на косата.
„Потребни се повеќе истражувања во оваа област, но еве неколку совети. Јајцата можат да помогнат. Тие содржат високо ниво на протеин од кој главно се состои косата и нешто што се нарекува биотин, кој е неопходен за протеинот на косата, кератин“, истакнува Кан.
Тој објасни дека јајцата содржат и цинк и селен, кои исто така поддржуваат здрав раст на косата. Покрај тоа, тој препорачува додавање на бобинки во исхраната.
„Бобинките содржат витамин Ц, кој е од суштинско значење за производството на колаген кој може да ја зајакне косата и многу антиоксиданси кои можат да помогнат да се заштити косата од оштетување“, додаде тој.
Исто така, зелениот лиснат зеленчук како кељот и брокулата содржат фолна киселина, железо и се богати со витамини А и Ц, кои играат важна улога во растот на косата.
Нагласена е и важноста на омега-3 масните киселини кои се наоѓаат во рибата и јаткастите плодови. Освен тоа, оревите содржат и витамин Е, кој се смета за антиоксиданс за здрав раст на косата.
Според NHS, нормално е да се губат помеѓу 50 и 100 влакна секој ден, што многу луѓе не го ни забележуваат. Сепак, понекогаш опаѓањето на косата може да биде предупредувачки знак како недостаток на железо.
Ако сте загрижени за губење на косата, најдобро би било да се консултирате со вашиот лекар.