Принцезата од Велс нема да се врати на јавните должности, потврдено е за The Colonel’s Review. Кејт Мидлтон вообичаено би салутирала на свечениот воен настан – кој ќе се одржи во Лондон на 8 јуни, но тоа нема да се случи оваа година.
Мајката на три деца на 22 март во емотивна видео порака потврди дека има неодреден облик на рак. Сепак, се вели дека 42-годишната принцеза сѐ почесто излегува надвор со нејзиниот сопруг принцот Вилијам и нивните деца Џорџ, Шарлот и Луис.
Тоа доаѓа откако Бакингемската палата потврди дека кралот Чарлс ќе учествува на „Тrooping the Color“ следниот месец.
Еве што пропушта Кејт
„The Colonel’s Review” е генерална проба за „Trooping the Color” на 15-ти јуни. Тоа е церемонијален настан што се изведува секоја година на Парадата на гардата на коњите во Вајтхол за да се прослави официјалниот роденден на монархот.
Кејт пропушти претходна воена проба во која учествуваа речиси илјада војници и околу 240 коњи од Одделот за домаќинства, која беше изведена пред публика од повеќе од 1.000 луѓе на Парадата на гардата на коњите.
Неа ја претставуваше потполковникот Џејмс Шо, бригаден мајор на Одделот за домаќинство, кој го дизајнираше овогодинешниот спектакл.
Во јавноста многу се шпекулираше за здравјето и лекувањето на принцезата, но единствено е сигурно дека таа подложи на таканаречена „превентивна хемотерапија“. Иако засега официјално не е објавено од каков вид на рак боледува, своето мислење на оваа тема го искажа познатиот американски лекар Марк Сигел.
„Еден од шефовите за онкологија во Институтот за рак „Лангоне“ во Њујорк, верува дека можеби станува збор за рак на дебелото црево и дека главната операција на абдоменот што ја направила можеби била ресекција на дебелото црево поради Кронова болест. Воспалителната болест на цревата во голема мера го зголемува ризикот од рак на дебелото црево или рак на цревата“, изјави д-р Сигл за Fox News Digital.