Кељот се смета за еден од најздравите и најхранливи видови зелен лиснат зеленчук.
Ова е вистинска суперхрана полна со корисни соединенија кои имаат моќни лековити својства. Кељот е богат со витамин А, Ц и К, а лиснатиот дел содржи и фосфор, магнезиум и калиум.
Ова се здравствените предности на кељот и неколку причини зошто е добро да го внесете во својата редовна исхрана во различни облици:
Влијае на регулирање на холестеролот
Консумацијата на кељ ја поттикнува синтезата на желудочна киселина во телото, помагајќи го и регулирањето на нивото на холестерол во крвта. Овој зеленчук помага во превенција на разни кардиоваскуларни болести и е одличен за здравјето.
Го чува здравјето на коските
Кељот е богат извор на калциум, фосфор и витамин К, кои помагаат во подобрување на густината на коските и го намалуваат ризикот од остеопороза и скршеници.
Ризница на минерали
Кељот е богат со есенцијални минерали како калиум и магнезиум. Додека калиумот помага во намалување на ризикот од срцеви болести и управува со крвниот притисок, магнезиумот помага во заштита на телото од дијабетес тип 2.
Помага во зачувување на здравјето на очите
Кељот помага во подобрување на здравјето на очите и нивната заштита од штетните УВ зраци. Богат е со каротеноиди, вклучувајќи зеаксантин и лутеин кои помагаат во подобрување на видот.
Богат е со антиоксиданти
Кељот е богат со антиоксиданти како витамин Ц и бета-каротен кои помагаат во намалување на оксидативната штета која ја предизвикуваат слободните радикали во телото и која може да го зголеми ризикот од појава на рак и да го забрза процесот на стареење.