Потребно е:
200 гр чоколадо за готвење
200 гр путер
2 лажици подготвено силно филтер кафе
100 гр шеќер
4 јајца
35 гр брашно
1/4 лажичка сол
Подготовка:
Чоколадото, путерот и кафето растопете ги на пареа. Кога ќе се растопи, промешајте 50 гр шеќер. Жолчките и преостанатиот шеќер изматете ги со миксер. Промешајте ја стопената чоколада, а потоа просејте го брашното и солта. Добро измешајте. Белките изматете ги со миксер и внимателно измешајте ги во чоколадната смеса. Обложете со хартија за печење плех од 20х20 см и истурете ја смесата. Печете во рерна загреана на 180 степени околу 40 минути. Пријатно!