Од додавање во вашите омилени смути или правење вкусно гуакамоле, можностите се бесконечни. Оваа храна има исклучителни својства за организмот, а често ја запоставуваме.
Авокадото, чудотворната храна која делува превентивно, на организмот му дава низа придобивки. Често можеме да го консумираме ова тропско овошје, богато со незаситени масни киселини, диетални влакна, витамини и минерали.
– Авокадото е навистина едно од малите чуда на природата и ви предлагам да го јадете неколку пати неделно – предлага Френк Липман, автор на најпродаваната книга на Њујорк Тајмс, пишува msn.
Ова се придобивките од честото консумирање авокадо:
Ви се подобрува холестеролот
Додека авокадото можеби добило лошa репутација поради тоа што е богато со калории и масти – половинка авокадо содржи 113 калории и 10 грама масти – тие главно ви даваат мононезаситени масти, кои се здрави во умерени количини.
Ке имате подобро варење
Половина авокадо содржи нешто помалку од 5 грама диетални влакна (во зависност од големината). Нутриционистката Меган Вер, истакнува дека додавањето на авокадо во вашата секојдневна исхрана може да спречи запек и да го одржи здравото варење.
Друга предност на ова овошје богато со влакна е тоа што ќе се чувствувате посити подолго време. Со додавање на парчиња авокадо на тост, сендвичи или салати, можете да останете сити до три часа.
Заштитени сте од болести и инфекции
Авокадото е одличен извор на витамини Б кои помагаат во спречување на болести и инфекции. Полн е со витамини Ц и Е, плус природни растителни соединенија кои можат да помогнат во спречување на рак.Бидејќи се богати со антиоксидантни фитохемикалии (како што се лутеин и зеаксантин), авокадото може да помогне во спречување на катаракта и макуларна дегенерација.
Ќе спиете подобро
Не само што авокадото има одличен вкус, туку е и преполно со магнезиум (19,5 милиграми за половина авокадо), што експертите го сметаат за хранлива материја против стрес, вели нутриционистот Елисе Муселес.
Кожата има природен сјај
Блескава кожа, светли очи и сјајна коса се дополнителни придобивки од консумирањето на оваа неверојатна суперхрана.
Ова се должи на витамини растворливи во масти и мононезаситени масти. Иако овие придобивки доаѓаат од јадењето авокадо, исто така има придобивки од локално користење, пишува Medical News Today.