Кралот Чарлс и кралицата Камила вчера покажале повеќе емоции отколку што е обичај меѓу кралското семејство на јавен собир – кралицата дури и заплакала во еден момент.
Камила била обземена од емоции додека слушала како воен ветеран зборува за ужасот од губењето на неговиот драг пријател при историскиот настан во Нормандија пред 80 години, за време на Втората светска војна.
Кралицата беше трогната до солзи додека поранешниот член на кралската морнарица Ерик Бејтман се присетил на своето искуство на плажата Јута, додека кралот Чарлс исто така изгледал видно трогнат.
Бејтмен, кој служел на воениот брод „HMS Erebus“, опиша како можело да се „прошета преку каналот“ тој ден бидејќи имало толку многу чамци во инвазијата.
Сеќавајќи се на своите паднати соборци, Бејтмен истакнал дека тој ден „толку многу мажи и жени, меѓу кои и неговиот драг пријател Фред, тргнале со него, но не стигнале до целта“.
Чарлс и Камила му се придружиле на принцот од Велс, водечки британски политичари и ветерани на големиот настан во Портсмут, каде кралот го одржал својот прв јавен говор откако му беше дијагностициран рак.
„Приказните за храброст, издржливост и солидарност што ги слушавме денес и во текот на нашите животи не можат а да не нѐ поттикнат, да не инспирираат и да не потсетуваат на она што ѝ го должиме на таа голема воена генерација“, рекол кралот, обраќајќи им се на насобраните.
Чарлс, кој доби стоечки овации додека одеше на сцената придружуван од кралицата Камила, бил „решен“ да присуствува на комеморацијата и покрај закрепнувањето од болеста.