Како што пренесува Page Six, американската и светската јавност е загрижена бидејќи никој не знае каде исчезна Бијонсе. Откако го објави албумот „Cowboy Carter“, кој веднаш стана хит, достигнувајќи го врвот на топ листите, Бијонсе буквално исчезна од лицето на земјата.
Многумина мислат дека тоа би можело да биде поврзано со раперот Диди и обвинувањата против него за сексуално злоставување, а што точно има Бијонсе со тоа, освен што нејзиниот сопруг Џеј Зи е долгогодишен пријател на Диди, никој не знае.
„Нешто се случува. Албумот беше хит, секаде беше број еден, а сега таа и албумот ја нема. Ова требаше да биде времето на Бијонсе, со оглед на тоа што нејзиниот долгоочекуван кантри албум беше објавен пред само два месеци. А сепак, никаде ја нема, се сокри во дупка од глувчето. Албумот пропаѓа, Џеј и Б не уживаат во центарот на вниманието“, изјави извор за Page Six.
Хип хоп ѕвездата Диди во последните месеци беше „мета“ на федералните служби, но и на судиите, кои сите имаат јасна цел – да откријат колкава вистина има во обвинувањата против него. Не само што се претресени неговите домови, а уапсени се и блиски соработници, секојдневно се поднесуваат нови тужби од жени кои биле сексуално злоставувани од раперот.
Неодамна, во јавноста протекоа снимки од надзорните камери на кои се гледа како Диди физички ја малтретирал својата поранешна девојка Каси Вентура во хотелот Интерконтинентал во Лос Анџелес во 2016 година.