Копривата содржи големи количини на железо, што ја прави совршен сојузник против анемија. Освен со железо, копривата е богата со минерали како калциум, магнезиум, фосфор и силициум.
Еве како да направите чај од коприва
Препорачуваме чај од коприва, кој се подготвува така што една лажица добро измиени и ситно сечкани коприви се прелива со 2 дл зовриена вода и се остава да отстои неколку минути. Процедете го чајот и пијте го додека е млак – и тоа во мали голтки.
Покрај чајот од коприва, можете да направите многу вкусни јадења како супи, пити, кифлички, салати и слично. Овој скапоцен и евтин лек со широко благотворно дејство треба да биде на нашите трпези што е можно почесто.
Корените на ова растение се собираат во пролет, но и наесен, а семките во август. Доколку сами ги собирате копривите, важно е добро да ги измиете. Оставете го под млаз ладна вода 15 минути. Облечете ракавици за да не ве изгори, истријте го и додека го правите ова, способноста за пецкање ќе се отстрани.