Одредени видови цвеќиња можат да создадат чувство на среќа, да ја заострат меморијата, да го намалат стресот. Прочитајте како функционира вашиот омилен цвет. Можеби затоа го сакате!
Розите создаваат чувство на љубов
Не случајно розите кај нас создаваат романтични чувства повеќе од другите цвеќиња. Докажано е дека хемикалијата која на розите им го дава карактеристичниот мирис го стимулира ослободувањето на ендорфин, хормонот на приврзаност, па дури и го имитира чувството на заљубеност!
Љубичицата го намалува стресот и ја подобрува меморијата
Кога читате или треба да запомните нешто, ставете миризливи цвеќиња во собата, како љубичици, гардении или јоргован! Експертите не се сигурни зошто, но сметаат дека пријатниот мирис опушта и го намалува стресот, што е најважно за јасно размислување. Волонтерите кои учеле во просторија со мирис на овие три цвеќиња, имале 15% подобри резултати на тест за меморија од другите! Се верува дека дури и гледањето во виолетови цветови го стимулира ослободувањето на ендорфин, хормони на среќата, кои го намалуваат стресот.
Хризантемите го прочистуваат воздухот
Научниците на НАСА открија дека хризантемите го прочистуваат воздухот во затворените простории со отстранување на 85% од токсичните материи во текот на денот, вклучувајќи чад од цигари и јаглерод моноксид!
Кактусот спречува главоболка
Ако ве боли главоболка поради долгото работење на компјутер, ставете кактус на вашето биро и ќе го решите проблемот! Швајцарските експерти откриле дека вработените кои страдале од главоболки и замор се чувствуваат подобро кога имаат кактус до мониторот. Кактусот го намалува ефектот на електромагнетното зрачење, па можете да го чувате до телевизорот.
Лавандата ја подобрува концентрацијата
Мирисот на лаванда опушта и ја подобрува концентрацијата. Експертите откриле и дека ја подобрува способноста за забележување детали, а со тоа и за воочување на грешките. Доволно е да го помирисате нејзиното етерично масло и во мозокот се стимулира создавање на смирувачки невротрансмитер, кој ја зголемува вашата способност за забележување детали!
Јасмин исто така ја подобрува концентрацијата
Истражувањата покажаа дека јасминот може да ја подобри концентрацијата, бидејќи мирисот на овој цвет ги активира мозочните бранови кои ни помагаат да се фокусираме. Дури се покажа дека ги подобрува атлетските перформанси! Спортисти кои биле изложени на мирисот на јасмин имале 25% подобри резултати од оние кои не биле изложени на овој мирис!