Омилен избор на многумина кога е појадокот во прашање се јајцата. Изматени јајца, тврдо или меко варени, на око, омлет…
Навистина има многу варијации на подготовка на оваа храна, но дали некогаш сте се запрашале дали постои начин кој е „најздрав“?
Експертите тврдат дека начинот на кој се подготвуваат јајцата може да влијае и на нивната хранлива вредност.
Најпрво треба да внимавате на изборот на маснотии што ќе ги користите доколку подготвувате јајца во тава. Користете масла кои се стабилни на повисоки температури. Можете да ги пржете на кокос или екстра девствено маслиново масло или путер. Одличен избор е и домашната маст.
Кога станува збор за јајцата, многу луѓе ќе го спомнат холестеролот како изговор за да не ја конзумираме почесто оваа храна, но она што треба да го знаеме е фактот дека ќе дојде до губење на хранливи материи и зголемување на количината на оксидиран холестерол доколку го преварите или испржите јајцето.
Доколку сте на диета или се обидувате да се ослободите од вишокот килограми, најдобрата опција за вас е да сварите јајца. Додадете ги во салати и зеленчук. Доколку сепак преферирате да ги подготвувате како омлет, комбинирајте ги со варен зеленчук и јаткасти плодови, пишува Вечерњи лист.