Ако сте решиле да го шетате вашето куче за време на високи температури, прво погрижете се да е безбедно, бидејќи неговите шепи лесно можат да изгорат на жешкиот асфалт.
Иако е важно кучињата да одат и да бидат активни, топлината сепак може да биде штетна.
Кога е премногу топло за да го шетате кучето? Експертите препорачуваат користење на таканаречениот тест од седум секунди пред да излезете надвор со вашето домашно милениче, пренесува City Magazine.
Ставете ја дланката на асфалтот и држете ја седум секунди. Ако не можете да издржите и мора да ја извадите дланката пред да поминат седумте секунди, тогаш јасно е дека е премногу жешко за вашето куче да оди по него.
Знаци дека шепите на вашето куче се изгорени:
– Кучето куца или одбива да оди
– Кучето ги лиже или „џвака“ шепите
– Перничињата се со потемна боја отколку што биле
– Недостига дел од јастучето на шепата
– Траги од изгореници на шепите
– Плускавци или црвенило
Ако забележите некој од овие знаци, вашето куче треба да се однесе на ветеринар.