Сите во одреден момент сме наишле на икање. Овој феномен може да биде непријатен, особено кога сме во друштво, а понекогаш чувствуваме дека не можеме да се ослободиме од него, без разлика колку вода пиеме или колку долго го задржуваме здивот.
Оние кои страдаат од икање сега можат да здивнат бидејќи научниците открија метод кој вклучува само четири чекори. Како што тврдат, функционира во 100 проценти од случаите, пишува Unilad.
Чекор 1: Издишете целосно, испразнете ги белите дробови.
Чекор 2: Земете длабок здив и задржете го неколку секунди.
Чекор 3: Без издишување, земете уште неколку вдишувања, а потоа задржете неколку секунди.
Чекор 4: Повторете го третиот чекор.
Икање се неволни и брзи контракции на мускулите на дијафрагмата и мускулите помеѓу ребрата кои ги прошируваат белите дробови за дишење, веднаш проследено со затворање на глотисот.
„Тоа е мускулна размавта која ги затвора дишните патишта по голтањето. Затворањето на глотисот е она што го предизвикува звукот „хики““, објасни лекарот Марк Лофман за Fox News Digital.
Икањето обично е краткотрајно, а Лофман истакнува дека подолгото икање може да биде поврзано со здравствени проблеми.
„Подолгите епизоди се поврзани со различни состојби, од бенигни до сериозни, иако понекогаш никогаш не наоѓаме причина за постојано икање“, истакна тој.