„Одење со намера“ – Кога имаме причина да одиме, кога брзаме на работа или кога одиме да земеме храна затоа што сме гладни, тоа ги тера луѓето да одат побрзо, што ги прави поздрави, покажува новото истражување.
Студијата објавена на интернет во 2020 година во Журналот за транспорт и здравје покажа дека луѓето кои пеш одат од своите домови до работа или продавници се поздрави од оние кои пешачат за одмор.
„Откривме дека пешачењето со одредена цел значително го подобрува вашето здравје и дека овие типови на прошетки полесно се воведуваат во вашата дневна рутина“, вели Гулса Акар, вонреден професор на Универзитетот за архитектура во Охајо.
„Значи, во основа, и како урбанисти и како луѓе, треба да се обидеме да го искористиме ова што е можно повеќе.
Тие користеа податоци од национално истражување од 2017 година.
Истражувачите анализирале самопријавени здравствени проценки на повеќе од 125.000 возрасни лица на возраст меѓу 18 и 64 години. Тие луѓе пријавиле колку минути ги поминале пешачејќи за различни намени – од дома до работа, од дома до пазар, од дома до рекреативни активности и пешачење.
Веќе споменатите, Гулса Акар и докторантката Гилсу Пае од Охајо, открија дека пешачењето за кое било времетраење, за која било цел, го зголемува здравјето на човекот.
Тие, исто така, откриле дека луѓето кои пешачат за рекреативни цели – да речеме, прошетка по вечерата – одат побавно од некој што отишол на важен настан.
Акар со години ги проучуваше начините на кои луѓето патуваат и рече дека била изненадена кога ја видела разликата при одење за различни цели.
„Мислев дека разликите нема да бидат толку значајни, дека одењето е одење и дека сите форми на физичко движење се корисни“, рече таа. И тоа е точно, но одењето со конкретни цели има многу поголемо влијание врз вашето здравје.
Покрај тоа, патувањето пешки наместо со автомобил, исто така може да направи личноста да се чувствува поздрава и ментално посреќна.