Не е како легендарната сцена кога ги прекрстува долгите, витки нозе во филмот „Ниски страсти“, но Шерон Стоун дефинитивно крена голема прашина со нова разголена фотографија. Познатата актерка на својот инстаграм-профил сподели прилично смела фотографија на која позира топлес!
Шерон Стоун во март наполни 66 години, но фактот дека е во седмата деценија не ја спречува да ја истакне својата сексапилност и да ужива во зрелата убавина и слобода на нејзините подоцнежни години.
Холивудската дива објави гола фотографија на која е само во сино долен дел од бикини додека работи на нова слика во својот дом во Калифорнија. Се чини дека Шерон, која е аматерска сликарка, не можела да одолее на повикот на инспирација, па истрчала директно од базенот до платното за сликање.
„Понекогаш само треба да излезам директно од базенот за да сликам“, коментираше таа на експлицитната фотографија на која ја гледаме како ужива во своето хоби со голи гради, односно само во гаќички.
Актерката покажа дека сѐ уште може да се пофали со витка линија, а притоа, како и поголемиот дел од Холивуд, не е опседната со совршенство и идеални пропорции. Јасно е дека е неоптоварена и ужива во своето тело.