Почина познатата глумица Шели Дувал, ѕвезда на филмот „The Shining“

Американската актерка Шели Дувал, ѕвездата на филмот „The Shining“, почина на 76-годишна возраст од компликации поврзани со дијабетес, објави нејзиниот партнер Ден Гилрој.

Актерката, која ја глумеше Венди Торенс во легендарниот хорор филм на Стенли Кјубрик од 1980 година, почина во сон во својот дом во Бланко, Тексас.

– Не напушти мојот драг, сладок, прекрасен животен партнер и пријател. Премногу страдања во последно време, сега е слободна. Летај, убава Шели – изјави Ден Гилрој, нејзиниот животен сопатник за „The Hollywood Reporter“.

Дувал е родена во Тексас на 7 јули 1949 година, а актерската кариера ја започнала во раните седумдесетти години, кога добила улога во филмот „Bruster McCloud“ во режија на Роберт Алтман.

Следеа успешни улоги во филмовите: „McCabe & Mrs. Милер“, “Thieves Like Us”, “Nashville”, “Annie Hall” и „3 Women“, кои и ја донесоа наградата за најдобра женска улога на Канскиот филмски фестивал.