Сигурно сте слушнале за бројните здравствени придобивки поврзани со медитеранската исхрана. Докажано е дека помага во намалување на воспалението во телото, ја подобрува когнитивната функција и го штити здравјето на срцето. Оваа диета се состои од различни видови храна, но најпознати во таа исхрана се маслинките. Без разлика дали ги сакате или ги мразите, маслинките се преполни со здравствени придобивки.
Еве уште неколку придобивки што ги носи редовното консумирање маслинки, а за кои можеби досега не сте слушнале.
1. Обезбедуваат добри масти
Маслинките во голема мера се составени од здрави масти и содржат високо ниво на олеинска киселина, која сочинува 74 проценти од вкупните масти во маслинките. Олеинската киселина е мононезаситена маст позната по тоа што го намалува воспалението во телото. Поголемиот внес на такви здрави масти, како што се мононезаситените и полинезаситените, особено ако ги заменат непожелните масти како заситените масти, може значително да го подобри вашето целокупно здравје, пренесува Krstarica.
2. Тие можат да ги подобрат функциите на мозокот
Една од главните придобивки од зголемениот внес на здрави масни киселини во исхраната е тоа што тие го подобруваат здравјето и функцијата на мозокот. Истражувањата покажаа дека луѓето кои консумираат многу мононезаситени масти често имаат повисоки нивоа на невротрансмитер ацетилхолин, кој е потребен за функции како меморија и учење.
3. Тие обезбедуваат пристојна доза на влакна
Маслинките и маслиновото масло делат многу исти здравствени придобивки, но една од специфичните придобивки од конзумирањето цели маслинки е тоа што тие содржат диетални влакна. 80 грама конзервирани маслинки содржат околу 3,2 грама влакна, што е доста за толку мала закуска. Доволно влакна во исхраната се од суштинско значење за одржување на здравјето на срцето, здрави нивоа на холестерол, добро варење, а маслинките можат да бидат одлична помош за постигнување на овие цели.
4. Го подобруваат здравјето на срцето
Маслинките се една од најздравите намирници за срцето поради високите нивоа на мононезаситени масти. Според истражувањето објавено во списанието Lipids in Health and Disease, мононезаситените масти помагаат да се намали ризикот од смрт, ризикот од мозочен удар. Тие исто така можат да помогнат да се намали нивото на лошиот холестерол (ЛДЛ) и да се зголеми нивото на добриот холестерол (ХДЛ), што помага да се одржи здраво срце.