Дали ви се случило набрзина да прочитате рецепт и да не сте виделе дека треба да ја вклучите рерната порано за да ја загреете?
Проблемот не е во загревањето на рерната, туку во тоа што овој процес трае долго. Експертот Лори Клајн изјави за Real Simple за правилата за загревање на рерната и другите апарати.
Не се загрева само рерната
„Предгревањето е поставување на вашиот уред на саканата температура и чекање тој да ја достигне саканата температура. Ако мислевте дека треба само да ја загреете рерната – тоа не е сосема точно. Секој уред што го користите за готвење храна ќе треба претходно да се загрее. Фритезата, тостерот и рерната се загреваат од истите причини“, рече Лори Клајн, извршен готвач во Hamilton Beach Brands.
„Предгревањето е важно за многу намирници. Некои намирници треба да бидат крцкави, додека други, како колачите или лебот, имаат потреба од топлина за да реагираат и да го зголемат нивниот волумен“, објасни Клајн.
Кога не треба да ја загревате рерната?
Не треба да ја загревате рерната секогаш кога ја користите. Така е, на пример, ако не го печете, туку само го загревате садот.
„Нема потреба да се пушта порано ако само подгревате одредена храна, како пица или остатоци од ручек или вечера, но храната ќе се загрее побрзо кога ќе е топла рерната и ќе можете порано да уживате во храната“, рече Клајн.
Греењето на рерната штити од труење
Безбедноста на храната е уште една важна причина зошто некои рецепти и јадења бараат претходно загревање. На крајот на краиштата, не сакате да се отруете себеси, или уште полошо, вашето семејство или гостите со храна.
„За месото или живината, важно е да се размислува за безбедноста на храната. Храната мора да има одредена внатрешна температура за да се спречи формирање на бактерии. Никој не сака да ги доживее резултатите од неправилната подготовка на храната“, објасни готвачот.
Ако ја загреете рерната, знаете дека храната побрзо ќе се готви, па ќе помине помалку време во температурниот опсег во кој се размножуваат бактериите, пренесува Крстарица.
Значи, ако некој рецепт бара претходно загревање, од клучно значење е да одвоите време да го направите тоа. Ова не е чекор што сакате да го прескокнете. Иако поновите и паметни печки покажуваат кога е постигната саканата температура, тоа можеби не е секогаш 100 проценти точно. Ако сакате да бидете сигурни, најдобро е да почекате 20 минути, особено кога подготвувате месо и живина.