Ги намалува црвенилото и темните дамки на лицето, го изедначува тенот, ѝ дава сјаен, свеж и здрав изглед на кожата – витаминот Ц стана херој во рутините за убавина благодарение на многуте бенефити за кожата, кога соодветно е вметнат во производите за нега, а за среќа, постои цела линија производи со витамин Ц* со кои може да ја почнете вашата рутина. Зошто е толку популарна оваа состојка?
Во последно време, за наша среќа, во мода се враќа негата на лице, а сè почесто младите се опседнати со рутини за убавина, но и производителите нудат широка палета на достапни производи за нега.
Помеѓу најпопуларните рутини, честопати се спомнува витамин Ц, како клучна состојка за одржување на мазна, мека и сјајна кожа, без темни дамки и флеки.
Посебно во зимскиот период, кога сонцето не е толку силно, рутината со витамин Ц се искачува на пиедесталот, а сè почесто брендовите за нега на лице ја вклучуваат оваа состојка во своите линии.
Витаминот Ц е многу здрав за целото тело и организам и повеќето го вклучуваме во својата исхрана, но тоа не е доволно за да го има посакуваниот ефект врз кожата.
Исто така, ако се обидете да го постигнете ефектот со нанесување парчиња цитрусни овошја на лицето, немате контрола над квалитетот ниту пак над концентрацијата која ја содржи, што може да биде неефективно или да постигнете несакан ефект.
Најдобро е кога антиоксидансот се екстрактира од овошјето и потоа се вметнува во производите за убавина, со цел кожата да го апсорбира директно и ефикасно.
Витаминот Ц е моќен антиоксидант кој се бори против слободните радикали кои предизвикуваат стареење, како што се честичките од загадениот воздух на пример.
Сличните такви појави се причина за воспаление на кожата, што е пак, предизвикувач на многубројни проблеми со кожата, недостаток на колаген и појава на темни дамки.
Витаминот Ц е познат и како осветлувач на кожата, кој го израмнува тонот на кожата, ја мазни и истовремено го спречува нејзиното предвремено стареење, така што ги поправа оштетените клетки и ѝ дава здрав и свеж изглед.
Повеќето експерти препорачуваат рутината со витамин Ц да се практикува наутро, заради тоа што помага да се заштити кожата од загадување и од УВ светлина, на која најчесто сме изложени преку ден.
Сепак, со оглед на тоа што секоја кожа е различна, пожелно е да се консултирате со стручно лице пред употребата на овие производи за да добиете најдобар ефект.
Има многу бенефити од употребата на серуми и други козметички производи со оваа состојка, затоа што:
- Витаминот Ц е безбеден за повеќето типови кожа, затоа што концентрацијата во производите на убавина не е толку висока за да предизвика иритации.
- Витаминот Ц ѝ дава хидратација и сјај на кожата и прави да не изгледа уморно.
- Витаминот Ц ја осветлува кожата и го изедначува тенот.
- Витаминот Ц го намалува црвенилото и хиперпигментацијата.
- Витаминот Ц може да ја намали појавата на темни кругови под очите.
- Витаминот Ц помага за лачење на колаген и дава свеж и помлад изглед.
- Витаминот Ц помага да се спречи кожата да надвисне и има затегачки ефект.