Лекарите објаснуваат дека несоницата може да укаже на неколку здравствени проблеми. Истражувањата покажаа дека секој трет човек во одреден период од животот има проблем со несоница. Повремената несоница може да дојде и да си замине без сериозни последици, но доколку трае долго, може да предупреди на некои болести, пишува „The Sun“.
Несоница како последица на болест
Кај некои луѓе, несоницата може да трае со месеци, па дури и со години. Долгорочните проблеми со спиењето можат да имаат големо влијание врз квалитетот на животот и целокупното здравје. Исто така, несоницата во одредени ситуации може да биде предупредувачки знак за неколку медицински состојби, покрај другите симптоми на овие болести. Овие се:
1. дијабетес
2. проблеми со срцето
3. артритис
4. бубрежни заболувања
5. нарушување во работата на тироидната жлезда.
Природен лек за несоница
Пред спиење испијте шолја топло млеко со лажичка цимет. Добро измешајте за да се раствори циметот. Ако сакате посладок вкус, додадете малку мед. Овој пијалок ќе ве опушти, па побрзо ќе заспиете.
