Старите му припишувале магична моќ на ловорот, но релаксирачките и антиинфламаторните својства на ова растение се потврдени и од науката. Помалку или третина од животот поминуваме во спиење, но важно е да биде квалитетен и да не регенерира за полесно да се носиме со предизвиците на денот.
Сепак, многумина од нас страдаат од несоница, често се будат во текот на ноќта или не се одмораат доволно, поради што денот го започнуваме поуморно отколку кога си легнувавме, пишува Krstarica.
Пред да почнеме самите да земаме лекови кои ветуваат мирен и ненарушен сон, да посегнеме по природни методи кои секако се поефикасни и помалку штетни за нашето тело. Еден таков лек, кој го практикувале Грците и Римјаните, се состои од ставање ловоров лист под перницата пред спиење.
Чај од ловор
Покрај неговите дигестивни и антибактериски својства (чајот од ловоров лист е одличен за дијареа или за правилно варење), ловоровиот лист има релаксирачки и смирувачки својства.
Пиењето чај направен од ова растение или вдишувањето на неговиот мирис помага во намалување на крвниот притисок, ослободување на напнатоста и намалување на нервозата и стресот, што ни овозможува да спиеме подобро. Исто така, ја ублажува болката од предменструален синдром, фаворизирајќи мирен одмор дури и за жените во репродуктивна возраст.
Но, постои уште една добра причина да спиете со ловоров лист под перницата – мотив кој влече корени во фолклорот што дури и припишува магична моќ на ова растение. Според легендата, ловорот има важно влијание врз нашите соништа.
Доколку имаме мисла која не загрижува и не ни дава мир, спиењето со лист од ова растение под перницата ќе ни овозможи да го „сонуваме“ решението на нашиот проблем.