Летните денови се време кога бараме нешто освежително, а водата со додаток на грејпфрут е токму тоа. Но, освен тоа, овој напиток може да ви помогне да ослабете и да го зајакнете имунитетот.
Грејпфрутот е овошје со специфичен вкус, има специфичен слатко-кисел вкус, поради што некои го сакаат, а некои сметаат дека вкусот е премногу необичен. Вистина е дека некои сорти се разликуваат по боја и хранлива вредност, но сите се добри за здравјето и линијата.
Најпопуларен е црвениот грејпфрут, кој се смета за најздрав поради високата содржина на витамин Ц, ликопен и каротеноиди.Жолтите и зелените сорти се помалку познати, со поблаги вкусови – жолтите се кисели без горчина, додека зелените се слатки и кисели. Иако многумина ги сметаат за повкусни, тие имаат малку помала хранлива вредност.
Грејпфрутот е богат со витамини, минерали и други хранливи материи
Тој е одличен извор на витамин Ц, кој го поддржува имунолошкиот систем. Пулпата од еден грејпфрут може да обезбеди повеќе витамин Ц од препорачаната дневна доза, како и третина од препорачаната дневна доза на бета-каротин. Содржи и витамини од групата Б и калиум.
Покрај витамини и минерали, грејпфрутот содржи и флавоноиди, кои главно се наоѓаат во кората, семките и белата мембрана на грејпфрутот. Предноста е што флавоноидите имаат антибактериски, антигабични и антиканцерогени својства.
Многумина ова едноставно, тркалезно овошје го нарекуваат суперхрана
Има својства кои го забрзуваат метаболизмот, го намалуваат апетитот и го зголемуваат чувството на ситост. Според истражувањата, може да заштити од разни болести.
Одлично делува на срцето, го намалува лошиот холестерол и крвниот притисок, а со тоа го намалува ризикот од атеросклероза. Грејпфрутот е идеален и за дијабетичари бидејќи има низок гликемиски индекс и малку калории.
Грејпфрутот е ценет во козметиката
Го има во кремите и формулите за мрсна кожа склона кон акни. Помага во регулирање на вишокот маснотии, ги чисти и стеснува порите и ги намалува дамките и лезиите предизвикани од акни.
Придобивките од водата од грејпфрут
Сокот од грејпфрут го хидрира телото, што е важно не само за време на жештините, туку и при слабеење. Благодарение на влакната го забрзува варењето, ја регулира работата на цревата и помага за чистење на телото од токсини.
Можете да пиете вода од грејпфрут неколку пати на ден, особено пред јадење.
Ова ќе ви даде чувство на ситост бидејќи влакната од грејпфрутот го полнат вашиот стомак, па ќе внесете помалку калории.
Освен тоа, пиењето на овој пијалок помеѓу оброците ја намалува потребата од нездрави грицки.
Друга придобивка од водата од грејпфрут е намалувањето на ненадејните скокови на нивото на гликоза во крвта, што спречува глад и прејадување, а со тоа и таложење на маснотии.
Направете пијалок – исечете грејпфрут на кришки, покријте го со вода и нежно притиснете го за да се ослободи сокот. Или можете да го исцедите директно во чаша и да додадете вода.
Можете да го ароматизирате сокот со рузмарин, свежи гранчиња или листови од нане и да додадете мраз.