Пиењето овошни сокови, особено природните овошни сокови без додаден шеќер, има големо влијание врз здравјето, а наводно еден вид сок од портокал, кој многумина го сакаат, може да го намали холестеролот и крвниот притисок. Пијалоците, исто како и храната што ја јадеме, влијаат на нашето здравје, па затоа е важно да се грижиме за она што го внесуваме во телото.
Како што пренесува британски Express, природниот сок од портокал има потенцијал да го намали нивото на холестерол и крвниот притисок. Високото ниво на холестерол и крвен притисок се една од главните причини за развој на опасни здравствени состојби, како што се мозочен удар и срцев удар. Додавањето сок од портокал во вашата секојдневна исхрана може да го намали ризикот од нив, пренесува Index.
Студијата покажала позитивни промени по консумирање сок од портокал
Според студијата од 2023 година објавена во списанието Lipids in Health and Disease, пиењето две чаши сок од портокал секој ден може да го намали нивото на холестерол. Во тоа истражување биле проучувани 129 учесници на возраст од 18 до 66 години.
Резултатите покажале дека 41 процент од учесниците кои пиеле по две чаши сок од портокал дневно, односно вкупно 480 милилитри секој ден во текот на 365 дена, имале значително пониско ниво на холестерол од оние кои не го исполнувале дневниот внес или биле под контролна група која пиела помалку од две чаши сок дневно.
Покрај ова, неколку други студии покажаа дека пиењето сок од портокал позитивно влијае на целокупното здравје.
Во научната статија објавена во European Journal of Nutrition од 2021 година, пишува дека „хесперидинот во сокот од портокал го намалува систолниот крвен притисок и пулсот по континуирано консумирање, а по единечна доза, хроничното консумирање на сок од портокал збогатен со хесперидин го зголемува својот постпрандијален ефект“, пренесува Експрес.