Чистењето на чевлите е од суштинско значење за зачувување на здравјето на вашите стапала и спречување на ширење на бактерии кои лесно се пренесуваат од еден пар на друг. Босите стапала во апостолки, балетанки и сандали се повеќе изложени на нечистотија и бактерии, но можете да го намалите нивното влијание ако редовно ги чистите овие летни чевли, советуваат експертите.
Во зависност од материјалот, нечистотијата може да навлезе длабоко во влакната на материјалот, а со тоа да има и непријатен мирис.
Како ефикасно да ги исчистите летните обувки?
Детската пудра е најидеалното средство со кое можете да го запрете прекумерното потење на нозете и таложењето нечистотија. Посипете врз стапалото и втријте во кожата пред да ги облечете чевлите.
Антибактериските марамчиња се идеални за одржување на обувките кога сте во движење. По чистењето со овие марамчиња, обувките ќе бидат безбедни за носење.
Медицинскиот алкохол го неутрализира присуството на бактерии. Намокрете парче памук и избришете ја внатрешноста на чевлите. Ова ќе го освежи и стерилизира, па нема страв од развој на габи.
Пена за перење теписи е добра и за чистење на кожни влошки. Нанесете ја на памучна крпа или сунѓер, потоа избришете ја влошката и оставете ја да се исуши.
Детергентот за миење садови е универзален чистач од дамки и нечистотии, дури и нечистотија од чевли. Малку топла вода и детергент ефикасно ја отстрануваат нечистотијата од ѓонот на чевлите.
Експертот за чистење Melisa Maker на каналот Clean My Space на YouTube покажа како најдобро да се исчистат сандали и влечки и објасни што е најдобро да се прави за одредени видови материјали.