Иако кралот Чарлс III се врати на работа, извор од палатата рече дека тој сè уште не е добро бидејќи продолжува да се бори со својата болест.
„Чарлс прави „прекрасна работа“ борејќи се со ракот, но сè уште не е добро. Тој фантастично се справува со сè за да остави впечаток дека се е во ред, но тоа е видливо за оние од нас кои сме свесни за работите дека, да речеме, ангажманите се пократки и внимателно распоредени. На пример, понекогаш пристигнува со хеликоптер во последен момент пред хеликоптерот да треба да го однесе и веројатно се струполува во фотелјата дома“, објаснува изворот.
Тој исто така додаде дека подобрата здравствена состојба на Чарлс се должи на начинот на размислување на неговата снаа Кејт Мидлтон. Принцезата од Велс во март откри дека има рак и оди на превентивна хемотерапија, но јавноста бара нови информации од неа. Како што стојат работите, фановите сепак треба да очекуваат да ја видат помалку, пишува Daily Beast.
„Ракот на Чарлс не исчезна, а некогаш популарното мислење дека тој ќе живее до иста возраст како неговата мајка или татко сега стивна“, продолжи изворот, додавајќи дека Мидлтон разбира што тоа може да значи за неа, нејзиниот сопруг (и идниот крал) принцот Вилијам и нивните деца. Во меѓувреме, принцезата има приоритет да го поминува времето со своето семејство.
„Мислам дека тоа навистина го фокусираше умот на Кејт на фактот дека можеби и остануваат уште само неколку години слобода, и што сака да прави со нив? Да ги воспитува своите деца и да се потруди да ги подготви за животот пред нив“, истакнува.
Еден од пријателите на Кејт откри и дека иако принцезата се уште прима хемотерапија, нејзиното лекување оди во вистинска насока. „Ова е сè уште загрижувачки период, но сите знаци се дека нејзиното тековно лекување од рак напредува добро“, откри таа.