Речиси две третини од возрасните кои учествувале во едно истражување, што е 65 отсто, рекле дека колку и да чистат, прашината секогаш се појавува во домот и им пречи.
Експертите открија дека просечниот дом акумулира речиси 20 килограми прашина секоја година – доволно за да се наполни патниот куфер.
Најголем дел од прашината доаѓа однадвор откако честичките од воздухот, како саѓи и полен, се внесуваат во куќата од чевлите и облеката, пишува Express.co,uk, пренесува Вечерњи лист.
„Прашината брзо се акумулира поради различни фактори, вклучително и опаѓање на клетките на кожата, влакна од домашни миленици, надворешно загадување и честички во воздухот што се таложат на површините. Дури и со редовно чистење, прашината може повторно да се појави бидејќи нови честички се внесуваат во домот. Грините од домашната прашина често можат да бидат алерген во домаќинството, но интересно е што не предизвикуваат иритација самите грини – туку нивниот измет“, вели Амина Ворнер од британската фондација „Alergy UK“.
Ворнер додава дека грините произведуваат околу 20 измети секој ден и тие продолжуваат да предизвикуваат симптоми на алергија дури и откако грината ќе умре.
„Луѓето можеби не знаат дека значителна количина на изложеност на алерген од домашна прашина всушност се јавува во кревет додека спиете. Затоа, првиот чекор е да се преземат мерки на претпазливост во спалната соба со користење на антиалергенски навлаки на постелнината и на сите перници“, додаде таа.
Истражувањето на 2.000 возрасни лица покажа дека луѓето добро ги чистат своите домови само пет пати месечно. Откако ќе увидат дека нивниот дом е валкан, луѓето обично чекаат три дена пред да се зафатат со работа.
Интересно е што мажите повеќе ги чистат домовите од жените – четири до пет пати месечно. И всушност, помладите генерации чистат повеќе, бидејќи е откриено дека 18-24 годишниците чистат седум пати месечно во споредба со само три пати месечно кај 55-64 годишниците.
Речиси две третини од сите возрасни, 65 отсто, изјавиле дека колку и да чистат, прашината секогаш се појавува и им пречи во домот.