Кога војводата од Сасекс го назначи Џош Кетлер за шеф на неговиот персонал претходно оваа година, беше кажано дека тој е совршен човек кој ќе му биде водилка на принцот Хари „низ неговата следна фаза“.
Меѓутоа, како што дознава Дејли Мејл, Кетлер ненадејно дал отказ по само три месеци на таа позиција, среде разни интриги што се случувале.
„Џош Кетлер повеќе не е со нив“, рекол извор од Калифорнија за Daily Mail.
Времето на оставката е дополнителен удар за Хари и неговата сопруга Меган Маркл бидејќи се очекуваше Кетлер да ги придружува на нивната „квази-кралска турнеја“ низ Колумбија, која започнува оваа недела.
Во мај, Кетлер го придружуваше Хари за време на неговата посета на Лондон за да ја прослави десетгодишнината од Игрите Invictus, спортски настан организиран од принцот за повредени и болни. Тој исто така беше со Хари и Меган за време на нивната тридневна турнеја низ Нигерија, чувајќи го грбот на Хари додека се состана со владини претставници во африканската земја.
Отказот уште еднаш ги стави во фокус тешкотиите на војводата и војвотката да го задржат својот персонал. Имено, од нивната венчавка во 2018 година, најмалку 18 вработени дале отказ.
„Она што кажува сè е фактот дека, за цело време што работев таму, никогаш не сум слушнал ниту еден сегашен или поранешен вработен да каже дека повторно би ја прифатил работата ако им се даде шанса. А тоа не се вработени најдени на улица, туку многу од нив се луѓе кои претходно се истакнале на своите позиции како шефови на компании или на други високи позиции“, открил за Дејли Меил поранешен член на персоналот на Сасекс.
Кетлер, за кој се вели дека е Американец, претходно работел за Cognixion, производител на медицинска опрема.