Кајсиите се богати со витамини и минерали кои помагаат во варењето, го штитат здравјето на очите и срцето и ја прават кожата мека.
Тие го штитат здравјето на крвните садови
Во 100 грама кајсии има 48 калории. Кајсиите имаат многу шеќер и малку масти и протеини. Од витамините најмногу ги содржат витамините А и Ц, а од минералите се богати со железо. Истражувањата утврдиле дека кајсиите имаат највисоко ниво на каротеноиди од кое било овошје, а каротеноидите се антиоксиданси кои го намалуваат ризикот од кардиоваскуларни болести и помагаат во намалување на холестеролот.
Кој не може да јаде кајсии?
Кајсиите се вкусни и здрави, но можат да предизвикаат и одредени проблеми. Како што објаснува нутриционистот Ана Коробкина, тоа најчесто се случува доколку се јаде голема количина од ова овошје одеднаш. Потоа има болки во стомакот и дијареа. Друга причина за непријатност може да биде конзумирањето кајсии на празен стомак, а кај луѓето кои страдаат од синдром на нервозно дебело црево, кајсиите може да ја влошат таа состојба.
„Факт е дека овошните киселини и влакна, кои се наоѓаат и во кајсиите, можат да доведат до прекумерно формирање гасови, што пак ќе доведе до непријатност и болки во стомакот“, вели нутриционистот. Покрај тоа, кајсиите содржат јаглехидрати со краток синџир кои слабо се апсорбираат во цревата и може да предизвикаат цревни пореметувања, грчеви и болки кај лицата со синдром на нервозно дебело црево.