Толку пати сме читале за различните придобивки од сексуалниот однос. Знаеме речиси сè. Дали ви е познато кога луѓето велат за некоја девојка, а и вие самите мислите, како таа блеска? Зрачи со убава енергија. Тим научници ја открија причината за тоа – тоа е пост-сексуалниот сјај.
Во една неодамна објавена студија во „Psychological Science“ откриле дека покрај моменталното задоволство, после 48 часа сексуалниот однос има позитивен ефект кој ќе влијае на сјајот во вашите очи и сјајното лице.
Во гореспоменатото истражување, се наведува дека оргазмот не е најдобриот дел од сексот, туку пост-сексуалниот сјај кој се јавува 48 часа по сексуалниот однос. Овој сјај не може да не го забележите на лицата на другите, а сигурно е дека и другите го забележале и на вас. Тоа е тој природен сјај со кој зрачиме после сексот. Студијата е спроведена на неколку парови кои биле во врска шест месеци.
Позитивните последици по сексуалниот однос влијаат на целокупното здравје на телото, рамнотежата на хормоните, промовираат задоволство и имаат влијание врз среќата, доброто расположение. Лесно ќе препознаете некој кој штотуку имал секс. Најчесто со живо однесување, весело расположение, често насмевнување и секако сјајот во очите.