Некои луѓе сакаат да одвојуваат време секој ден за да си ја средат косата, а потоа има и такви на кои најважно за нивната фризура е да не им одзема премногу време.
Ако сте дел од втората група, можеби е време да размислите за кратки фризури кои лесно се стилизираат.
Најпрво, да забележиме дека без оглед на должината на вашата коса, најлесниот начин да избегнете да потрошите премногу време за стилизирање е да ја прифатите нејзината природна текстура. Откако ќе го направите тоа, сè ќе биде полесно.
Кога станува збор за кратки фризури, времето на миење, сушење и обликување на фризурата е драстично намалено поради должината. Има цела низа кратки опции кои изгледаат одлично, а подолу одбравме пет за кои експертите за коса сметаат дека се одлични опции кои нема да ви одземат премногу време.
Пикси со текстура
Со оваа фризура важно е да ги прифатите вашите локни, бранови… Во тој случај, текстураната пикси ќе биде фризура која бара многу малку стајлинг. Можете да ја носите измазнета или да нанесете производ за волумен и да го размачкате.
Основно пикси
Според експертите, основната пикси е една од најлесните фризури кога станува збор за стајлингот. Целата коса е исечена на приближно иста должина и стилизирана во насока на раст на косата. Доволно е да ја измиете косата и да нанесете малку производ за стилизирање. Не треба да го користите фенот.
Супер кратка пикси
Оваа фризура е одлична за сите кои воопшто не сакаат да се мачат со стилизирање на косата. Нуди совршен изглед во секој момент, без никаков напор. Веднаш штом скокнете од кревет, подготвени сте да одите, велат експертите.
Кратка фризура со undercut
Ако сте спремни повеќе да експериментирате со вашата коса, тогаш кратката undercut фризура е опција за вас. Станува збор за фризура во која долниот дел од косата е избричен или скратен, додека горниот дел останува подолг. Познатите дами докажаа дека оваа фризура може да изгледа елегантно.
Пикси Боб
Во овој случај, косата е слоевита и доволно долга за да можете да ги заглавите страничните делови зад увото кога сакате. Од друга страна, косата не е доволно долга за да биде врзана во опавче.
