Американскиот актер Арми Хамер пред три години се соочи со сериозни обвинувања за сексуална злоупотреба од поранешна девојка. Недолго потоа, неговата друга бивша изнесе шокантни тврдења во кои алудираше дека актерот е канибал. По скандалот Хамер остана без работа и затоа нема пари, а денес тешко успева да си дозволи и некои основни работи.
Сега на Инстаграм изјави дека ќе мора да го продаде својот камион. „Откако се вратив во Лос Анџелес, ставив бензин од 500 долари во мојот камионет и не можам да си го дозволам. Не можам веќе да си дозволам ни бензин“, рече тој во обраќањето на Инстаграм, додавајќи дека е „во ред“.
„Имам нов автомобил. Мал е. Тоа е хибрид. Веројатно ќе ставам 10 долари месечно бензин“, рече тој. Хамер кажа и колку му е тешко да се откаже од својот камион, а објасни и зошто.
„Го купив ова за себе како божиќен подарок во 2017 година. Толку многу го сакав овој камионет, многу пати го носев на кампување низ земјата и на долги патувања“, рече тој. Тој се присети и како ги земал своите деца со пикапот откако ќе се родат. Актерот има две деца, ќерката Харпер и синот Форд со поранешната сопруга Елизабет Чемберс.
Тој се разведе од бившата непосредно пред првата поранешна девојка да го обвини за сексуална злоупотреба. Тој подоцна беше обвинет за емоционална злоупотреба, манипулација, силување и канибализам. Тој ги отфрли сите обвинувања и рече дека средбите со сите тие девојки биле консензуални.
Поради сите обвинувања, Хамер беше исфрлен од Холивуд, а неговата последна улога беше во филмот „Смрт на Нил“ од 2022. Иако моментално не глуми, Арми изјави дека е благодарен што сето тоа му се случило во животот бидејќи пред тоа тој не бил среќен со себе.