Милиони корисници на X не можеа да пристапат на социјалната мрежа утринава, откако Врховниот суд одлучи да ја блокира бидејќи Илон Маск не ги почитувал локалните закони.
Голем број корисници во Бразил почнаа да ја користат конкурентската мрежа Bluesky, која објави дека добила 500.000 корисници во последните два дена.
„Добредојдовте во Bluesky!“ објави компанијата на своите нови корисници на португалски.
Александре де Мораес, влијателниот судија на Врховниот суд одговорен за забраната, ги предводеше напорите да го принуди Х да ги ограничи антидемократските, крајно десничарски позиции по бунтот во главниот град Бразилија во јануари 2023 година од приврзаниците на поранешниот екстремно десничарски претседател Жаир Болсонаро.
https://x.com/MarioNawfal/status/1829934055342608579?ref_src=twsrc%5Etfw%7Ctwcamp%5Etweetembed%7Ctwterm%5E1829934055342608579%7Ctwgr%5Edd450e919d106135c4c314b646f36fe36aeec81d%7Ctwcon%5Es1_&ref_url=https%3A%2F%2Fn1info.hr%2Fmagazin%2Fvrhovni-sud-blokirao-x-u-brazilu%2F
Маск ја игнорираше одлуката да назначи нов правен застапник
Маск го обвини Мораеш дека ја задушува слободата на говорот и се обидува да ги цензурира конзервативните ставови.
Последната капка пред забраната на Х во Бразил дојде кога Маск го игнорираше рокот од 24 часа да назначи нов правен советник откако платформата за социјално вмрежување ја затвори својата локална канцеларија во Бразил во средината на август.
https://x.com/elonmusk/status/1829919906105610683?ref_src=twsrc%5Etfw%7Ctwcamp%5Etweetembed%7Ctwterm%5E1829919906105610683%7Ctwgr%5Edd450e919d106135c4c314b646f36fe36aeec81d%7Ctwcon%5Es1_&ref_url=https%3A%2F%2Fn1info.hr%2Fmagazin%2Fvrhovni-sud-blokirao-x-u-brazilu%2F
Маск до судијата: Диктатор и измамник
Во пресудата со која се наредува забраната, Мораес го обвини Х дека дозволил „масовно ширење на дезинформации, говор на омраза и антидемократски напади“. Неколку часа подоцна, нешто по полноќ по локално време, бразилските корисници почнаа да забележуваат дека не можат да пристапат до мрежата.
Маск го нарече судијата Волдеморт. „Тој е диктатор и измамник“, напиша Маск на X.