Северина одржа уште еден концерт, овој пат во Македонија, а покрај познатите хитови, сите присутни ги воодушеви и со својот елегантен аутфит.
Многумина истакнуваат дека Северина е една од најдобро облечените Хрватки, а тоа ни го потврди и во минатото издание. Станува збор за елегантен, асиметричен фустан со потпис на Матија Вуица, кој одлично и прилега на пејачката.
Миди фустанот е прекриен со кристали, а е многу посебен поради впечатливите детали. Од напред има тенко ременче на едното рамо, а другото рамо е покриено со долг ракав што го направи нејзиниот изглед уште погламурозен.
Друг посебен детал се исечоците на ногата кои на фустанот му дадоа заводлива нота, исто како и отворениот грб. Ова е еден од оние фустани за кои можеме да кажеме дека би изгледале фантастично на црвениот тепих на еден светски моден настан.
View this post on Instagram
За да дојде до израз фустанот, Северина избра пристоен накит, од кој особено се истакна ланчето со привезок во форма на срце. Едноставно ја пушти косата, а шминката е класична, погодна за вакво гламурозно издание.
Под објавата на Инстаграм, следбениците и порачаа на Северина дека изгледа како дијамант.