Џенифер Лопез неделата ја помина на пазарење во трговски центар во Лос Анџелес. Пејачката беше придружувана од нејзината ќерка Еме и неколку пријатели. Добро расположената група ги обиколила продавниците, а Џенифер во еден момент дури и танцувала на ескалаторот додека нејзината ќерка ја снимала.
За одење во шопинг, Џенифер Лопез избра модна комбинација во нејзиниот препознатлив стил. Пејачката се одлучи за тексас макси здолниште со ефективен patchwork дезен, со посветли и потемни тексас парчиња.
Таа спои лелеаво здолниште со набори со беж горен дел до половината на кој има светкави апликации и едноставни рамни апостолки во златна боја. Џеј Ло, исто така, се одлучи за значителна количина накит и носеше големи кружни обетки, неколку синџири, нараквици и прстени.
Додаде допир на гламур со чанта од модната куќа Диор, украсена со привезок со металните букви ЦД, иницијалите на Кристијан Диор, кој ја основа француската модна куќа во 1946 година.