За оние кои планираат наскоро да пазаруваат и сакаат да ја збогатат својата гардероба со класична есенска облека, направивме листа на „must have“ парчиња кои ги надминуваат сите трендови. Овие парчиња се секогаш исплатлива инвестиција бидејќи ќе ги носите од година во година.
1. Здолниште од мазна кожа
Прилагодете го кројот по ваш вкус, а доколку не знаете што да одберете, ви препорачуваме кожни молив здолништа кои совршено функционираат за дневни и вечерни прилики.
2. Избрусена кожна јакна
Навикнати сме на модели изработени од мазна кожа, но и четканата кожа е таен адут на есенските комбинации.
3. Мантил
Се знае за овој класик во кој сме вљубени благодарение на Томас Бурбери. Токму тој ги дизајнираше и ги произведе првите мантили и започна вистинска мала револуција во модата.
4. Кардиган
Љубителите на плетените парчиња наскоро ќе си дојдат на свое. Сезоната есен-зима е незамислива без практичните и прилагодливи кардигани.
5. Црна јакна
Дали има некој кому му треба убедување за исплатливоста на обичната црна јакна? Оди со сите парчиња, се носи со штикли и тениски чевли, во дневни и свечени пригоди.
