Стареењето на кожата е природен процес, чија брзина зависи од многу фактори – пол, генетика, етничка припадност, начин на живот, исхрана и слично. Забавувањето на овој процес е можно, а како што утврдиле кинеските научници, кафето може да биде сојузник во борбата против првите знаци на стареење!
Истражувањето во кое учествуваа повеќе од 16.000 испитаници од Европа покажа дека кафето навистина може да ја подмлади кожата, а сето тоа благодарение на антиоксидантните ефекти на кофеинот, кој е негова главна состојка и кој е одличен во борбата против оксидативниот стрес и воспалителните процеси во организмот.
Друга клучна состојка против стареење во кафето се полифенолите, кои се наоѓаат во големи количини во печените зрна кафе. Како што е веќе познато, тие ја подобруваат еластичноста на кожата и ја прават хидрирана, што е особено важно за спречување на брчки и други, понекогаш тешко забележливи, први знаци на стареење на кожата.
Научниците наведуваат дека е многу важно кое кафе го консумираме, бидејќи не сите делуваат подмладувачки. Најпрво треба да внимавате на видот на кафето, односно да го пиете тоа што е малку печено – овој вид има највисоко ниво на полифеноли, што значи дека неговото дејство е најсилно. Колку е потемно се пече кафето, толку е помало нивото на полифеноли, пишува Journal of Cosmetic Dermatology.
Покрај тоа, треба да се има на ум дека адитивите на кафето, како што се млекото или шеќерот, исто така го намалуваат неговото дејство против стареење. Во исто време, експертите предупредуваат дека треба да го ограничите дневниот внес на кафе: за најдобри резултати, треба да пиете најмногу меѓу 3 и 5 шолји кафе, бидејќи прекумерното внесување на кофеин може да предизвика дехидрација на телото, несоница, зголемена притисок и други негативни последици.