Менито е дефинитивно највалканиот предмет во ресторанот – содржи околу 185.000 бактерии. Тоа го прави повалкано дури и од даската на ВЦ школката.
Вториот највалкан предмет во ресторан не е во тоалетот, туку на вашата маса.
Пред да посегнете по шејкерот за сол и бибер, размислете колку луѓе ги допреле пред вас.
Според студијата спроведена од ABC News, просечниот број на бактерии на еден соларник е 11.600, пренесува citymagazine.
„Повеќето тегли за сол и бибер се бришат само ако изгледаат валкано, а потоа само со влажна крпа што келнерите ја чуваат во џебовите“, изјави Јонас Сиклер за Reader’s Digest.
„Друг факт е дека родителите често им дозволуваат на децата да си играат со сол и бибер за време на оброците. Тоа значи дека ќе бидат покриени со се што имаат малите на прстите, што ќе им помогне на бактериите подобро да се залепат на стаклените површини“, продолжува Сиклер.