Едно јаболко на ден го држи докторот подалеку – но само ако го јадете на вистински начин…
Излегува дека сите ја правиме истата грешка, а правилниот начин на консумирање на ова овошје може да ве изненади.
Исто така, веројатно е бесмислено да се обидете да ја измиете кората пред да залакнете, пишува Mirror.
Една студија објавена во списанието Frontiers уште во 2019 година откри дека просечното јаболко содржи неверојатни 100 милиони бактериски клетки.
Сепак, спротивно на популарното верување, повеќето од нив не се наоѓаат во кората.
Всушност, ако ја фрлите срцевината, фрлате и околу 90 милиони бактерии кои можат да имаат огромни придобивки за вашето здравје на цревата.
Само оние кои се доволно храбри да го изедат целото јаболко, вклучувајќи го стеблото и семките, ќе имаат корист од сите бактерии, како и од дополнителните влакна и флавоноиди.
„Општо земено, стеблото и семките покажаа најголемо количество бактерии, а потоа стеблото и месото од плодот“, се вели во студијата.