Веројатно ви се има случено барем еднаш во животот да облечете бела маица откако ќе се нашминкате и на неа да останат траги од пудра.
Една корисничка на Фејсбук нашла едноставно, но ефективно решение за овој проблем и го споделила во видео на својот профил. Прво ставила пластична кеса на главата, а потоа безгрижно облекла маица — и voilà! На облеката нема траги од пудра.
Овој трик Џорџина Родригез го покажа и во третата сезона од своето реално шоу “I am Georgina”, што ѝ помогна да не ја извалка (повторно) белата јака на фустанот што го носеше на ревијата на Vetements.
Она што е одлично за овој трик е фактот што може да се примени не само дома, туку и во продавниците при пробување облека.
Многу жени избегнуваат да пробуваат облека во продавниците кога се шминкаат, токму поради стравот да не остават траги од пудра на облеката, а некои ги валкаат без да внимаваат на овој детаљ.
Овој едноставен трик сигурно ќе им го олесни животот на многумина, а се што ви треба е едноставна пластична кеса – нешто што сите веќе го имаме дома. Следниот пат кога ќе облечете бела маица или ќе пробате облека, запомнете го овој едноставен трик и избегнувајте непријатни траги од пудра.