Главните градови на модата, Милано, Париз, Њујорк и Лондон, одржаа модни ревии во текот на септември, а она што ни „падна во око“ е додаток кој насекаде се истакнуваше како водечки тренд – чанта во бордо боја.
Долго време бордото не беше меѓу најважните бои на есенската сезона, а сега се враќа на големо. Ја има насекаде, а се чини дека особено го освои светот на чантите.
Од предимензионирани до елегантни чанти за преку тело, важно е само да бидат бордо. Лесно се спојува со неутрални тонови и различни дезени, со оглед на тоа што е потемен, па се покажа дека е многу полесна боја за стилизирање од посветлите црвени нијанси кои беа актуелни пред неа.
Носете ја со темни или светли фармерки, беж или сив капут, кошула во бохо стил… изборот е ваш. Едно е сигурно, со бордо чанта ќе имате загарантирано внимание каде и да сте оваа сезона.