И во зима и во лето многумина се прашуваат дали е подобро да го исклучите бојлерот или да го држите постојано вклучен и како да заштедите пари, а оваа дилема ги мачи сите што сакаат да ја намалат сметката за струја.
Некој ќе ви каже дека е многу порационално да го оставите бојлерот вклучен цел ден и ноќ, бидејќи тогаш не мора да ја загрева целата вода, туку само да ја одржува топлината, а други ја застапуваат теоријата дека најдобро е да се вклучи кога е потребно.
Апсолутно не е точно дека е подобро за паричникот да го оставите постојано вклучен бојлерот. Се разбира, сè зависи од бројот на членовите на домаќинството. Затоа, доколку се работи за самец или брачен пар, порационално е да се вклучи кога е потребно. Од друга страна, ако се работи за семејство со голем број членови, веројатно најзгодно им е да го имаат постојано вклучен бојлерот бидејќи на некој ќе му треба вода во секој момент.
– Важна улога игра и намената на бојлерот. Ако бојлерот е наменет само за туширање, тогаш има смисла повремено да го вклучувате, а ако се работи за бојлер со голем проток што го користите и за потребите на кујната, тогаш има смисла постојано да е пуштен бидејќи тогаш најверојатно многу ретко го исклучувате.
Затоа е поекономично да го вклучите кога е потребно, а секако, доколку веќе се грижите за заштедата, тогаш вклучете го кога тарифата е поевтина, додаваат професионални електричари.