Ако во периодот помеѓу 2010 и 2015 година воопшто ве интересираа модните трендови кои владеат меѓу припадниците на помладите генерации, секако не ја промашивте популарноста на еден „контроверзен“ модел на чевли.
Што е толку контроверзно за чизмите до глужд со висока предна платформа и блок пета? Се, судејќи според тогашните реакции на нив.
И малите модни блогови и поголемите медиуми се натпреваруваа кој повеќе ќе ги искритикува чевлите Лита на американскиот бренд Jeffrey Campbell.
„Можеби изгледа дека е тешко за еден моден бренд да дизајнира нешто што многу ќе ги навреди и мажите и жените, но Џефри Кембел го направи токму тоа со ова незгодно чудовиште од чизми до глужд наречен Лита. Едноставно кажано, чевелот изгледа како слон на твојата нога.
Тоа е можеби најпопуларниот грд чевел во светот. Со платформа од 6,5 сантиметри и потпетица од 13 сантиметри, овие чизми до глужд се копита меѓу модерните обувки“, напиша тогашната модна колумнистка на „Daily Beast“, Мисти Вајт Сајдел во 2013 година.
Веројатно не ни сонувала дека Лита ќе се врати на сцената по долга пауза и паѓање во заборав.
Со години, модните познавачи ги отпишуваа обувките на платформа, се додека модната куќа Версаче не ја претстави двојната платформа Medusa Aevitas во својата колекција есен/зима 2021 година.
Трендсетерките преку ноќ полудеа по нив и ова започна нов бран на интерес за чевли со платформа, кои веќе неколку сезони повторно се во тренд. Тимот од брендот Џефри Кембел го препозна тоа и го најави големото враќање на моделот во јули оваа година.
Се разбира, на општо задоволство на милениумците, кои повторно ги извадија од плакарите за носталгично да се потсетат на врвот на нивната популарност. Чизмите до глужд Лита го привлекоа вниманието и на помладите тиктокери, кои се обидуваат да ги вклучат во своите комбинации.
@sofiabonizzoni Comunque sono stra comode (non le indosserei neanche sotto tortuna ma le amavo) #jeffreycampbell