Ова е „црвено знаме“ на првиот состанок – ако го слушнете, бегајте!
Сабрина Зохар, експерт за односи и водителка на популарен подкаст од САД, неодамна сподели клучни совети за сите кои бараат животен партнер. На нејзиниот канал TikTok, таа истакна три клучни работи на кои треба да внимавате кога сте во почетната фаза на средба со некого.
„Доколку штотуку сте запознале некого или сте почнале да излегувате со некој нов и таа личност вели една од овие три работи, направете си услуга и размислете за тоа“, започна таа.
Прво, таа предупреди дека ако некој каже: „Не барам ништо сериозно“, тоа може да биде знак дека личноста не е подготвена за подлабока врска. Таа потоа истакна дека луѓето кои велат: „Ти си премногу добар за мене, не те заслужувам“, често најавуваат можни проблеми во иднина.
„Трето, од лично искуство со поранешен партнер, научив дека кога некој го нарекува својот поранешен партнер „луд“, тоа е знак дека таа личност можеби не презема одговорност за своите постапки. Сфатив дека таквото однесување може да ги вознемири жените во врска“, заклучила таа.