Двајцата последен пат беа видени заедно на 20 септември во Токио.
Канје Вест и Бјанка Ценсори се разведуваат по две години брак, дознава ТМЗ.
Според извештаите, парот влегол во тежок период, а на познаниците им кажале дека се разделиле пред неколку недели.
Сè уште не е познато што го поттикнало разделувањето или кој сакал да ја прекине врската, но според извори на ТМЗ, Канје рекол дека планира да живее во Токио, како и да се разведе од Бјанка. Пред тоа Бјанка била со семејството во Австралија.
Двајцата последен пат беа видени заедно на 20 септември во Токио.
Канје и Бјанка предизвикаа големо внимание со нивната романса откако тајно се венчаа во декември 2022 година.
По венчавката Бјанка постојано беше покрај Канје, на јавни настани, но и на семејните собири со неговите деца од бракот со Ким Кардашијан.
Бјанка привлече големо внимание со својот изглед, често многу оскудно облечена или во провидна облека.