Принцот Хари и неговата сопруга Меган Маркл „заминаа по својот пат“ бидејќи сè повеќе водат „одвоени животи“, рекоа кралските аналитичари Артур Едвардс и Џени Бонд.
Бонд откри дека Меган не била популарна и не сакала да се врати во Британија.
– Мислам дека Меган има свој самостоен стил и начин на живот и тоа не е во склад со луѓето во Велика Британија. Мислам дека не сака да се врати назад и затоа секој си оди по својот пат, донекаде. Но, се надевам и верувам дека Хари е многу среќен во својот живот – рече таа.
Ова доаѓа откако неодамна беше откриено дека принцот Хари го прославил својот 40-ти роденден без Меган, истакнува The Sun.
Иако извори блиски до парот инсистираат дека Меган го организирала патувањето, аналитичарите сметаат дека нејзиното отсуство е знак дека работите не се толку розови. Меган не е видена во јавноста од 14 септември, ден пред Хари да наполни 40 години, а изворите исто така тврдат дека таа ретко била во нивниот дом во Монтесито, Калифорнија.
Војводата присуствуваше на серија настани во Њујорк без неговата сопруга.