Кејт Бланшет повторно докажува зошто е модна икона бидејќи модните икони не ги следат правилата, ги кршат и создаваат нови, а тоа го прават со голема леснотија.
Актерката се појави на црвениот тепих на Лондонскиот филмски фестивал, каде премиерно беше прикажан нејзиниот нов филм „Rumours“. Кејт носеше костим составен од здолниште и јакна со црвени и бели риги, кои се хармонично надополнети со сина кошула, создавајќи интересен контраст помеѓу топлите и ладните тонови.
Таа избра минималистички крој, кој одлично и прилега на фигурата и ја истакнува нејзината елегантна силуета.
Сината кошула со долги ракави со високи копчиња ја додава формалноста, но и личноста на аутфитот. Се истакнува со едноставниот крој, а бојата одлично ги надополнува црвено-белите риги, создавајќи модерен, но непретенциозен изглед.
А токму тие забавни пруги, хоризонтални на јакната и вертикални на здолништето, нè потсетуваат на слатки шатори или вртелешки со коњи кои некогаш ги имало во забавните паркови.
Нејзиниот избор на чевли беа класични мокасини, а бојата која одговара на бојата на кошулата ги прави интересни.
Оваа комбинација одлично и прилега на актерската дива, но факт е дека многу други не би се осмелиле да дојдат на црвениот тепих во вакво издание, сметајќи ја премногу едноставна, премногу деловна и со премал гламур.
Но, на Кејт Бланшет не и треба сјај, светки и вртоглаво високи потпетици за да остави одличен впечаток, а благодарение на беспрекорниот став и модната самодоверба, таа е исто толку впечатлива во се што ќе облече.
„Rumours“, со Кејт во главната улога, ги истражува длабоко вкоренетите човечки емоции, вклучувајќи предавство, љубомора и тајни кои полека излегуваат на виделина. Со својата моќна изведба, Кејт Бланшет внесува длабочина и интензитет во ликот кој балансира помеѓу суптилноста и суровите емоции, а филмот е вистинско уживање за сите љубители на темни комедии.