Во светските медиуми како бомба одекна веста дека контроверзниот рапер Канје Вест се разведува од сопругата Бјанка Ценсори по речиси две години брак.
Како што пишуваат медиумите, оваа позната двојка која привлече внимание со своето скандалозно однесување успеа и овој пат да изненади. Откако го известиле блискиот круг на пријатели дека ставаат крај на бракот,фотографирани се заедно!
Канје и Бјанка беа фотографирани во опуштено издание додека пазаруваа во Токио. Познатиот пар не се грижеше за папараците и изгледа намерно сака да си играат со новинарите и нивните фанови.
Она што ги изненади сите е фактот што Бјанка беше облечена од глава до пети. Онаа од која секогаш сме навикнати на разголени комбинации, овој пат се појави облечена од глава до пети.
Дали славната двојка се помирила или едноставно станува збор за маркетиншка игра, останува да видиме во наредните денови.