Сите сме ја слушнале фразата „спротивностите се привлекуваат“.
Меѓутоа, дали тоа е докажано кога се во прашање односите меѓу луѓето. Тешко е да се каже како доаѓа привлечноста и кои особини најмногу ги привлекуваат луѓето.
Голем број истражувачи велат дека веќе нашле некои одговори. Но, вистината е всушност комплицирана. Социологот Даниел Т. Лихтер и статистичарката Дебра Л. Блеквел анкетирале парови во три различни начини на врски и откриле дека повеќето од нив, без разлика дали се забавуваат или се во брак, споделуваат исти расни, образовни и религиозни идентитети. Нивната студија беше објавена во The Sociological Quarterly.
Психолозите Метју Монтоја и Роберт Хортон дојдоа до сличен заклучок во сопствената анализа објавена во Журналот за социјални и лични односи. Наместо да спроведат една нова студија, тие прегледале и анализирале десетици претходни студии кои истражувале дали сличноста води до привлечност. Она што го пронајдоа беше силен доказ дека двајца луѓе кои си личат еден на друг во однос на личноста, ставовите, интересите и другите особини веројатно ќе се сметаат за привлечни.
Работата на психологот Дон Бирн сугерира можна причина за привлекување луѓе кои се слични по различни основи. Неговото истражување, кое се појавува во Журналот за социјални и лични односи, покажа дека луѓето се чувствуваат поудобно со оние кои се слични на нив. Посебна студија, објавена во Communication Monographs, сугерира дека комуникацијата и контактот меѓу поединци кои имаат многу заеднички работи е попријатна отколку помеѓу различни парови, пренесува The List.
Сепак, секој од нас познава барем еден долгогодишен пар кој себеси се опишува како спротивен. Психологот Метју Д. Џонсон тврди дека оваа самоперцепција не е сосема точна. Партнерите кои својата врска ја започнуваат со многу заеднички навики и чувства со текот на времето наоѓаат начини да се разликуваат еден од друг.
– На пример, ако едниот член на двојката е малку подуховит од другиот, двојката може да се стави во шема на спротивности, што не е сосема точно. Слично како и убавината, која е во окото на гледачот.